Zum Muttertag

Ich dank Euch für alles, was Ihr, liebi Mamis, für uns machet und gmacht händ. Ihr sind sit dr erschte Sekunde vo unserem Läbe an unserer Site, händ uns laufe, Astand und Respäkt glert. Ihr sind für uns do, wenn’s uns schlächt got und ihr bringet uns zum Lache und munteret uns uf, au wenn Ihr’s nit immer licht mit uns händ. Mir schätze Euch sehr, au wenn mir das nit so zeige. Mit dr Ussag «Rum jetzt di Zimmer uf» närve Dir mängisch e bitz, aber mir hän Euch lieb und sin froh, Euch zha. Ihr händ unsere erschte Schueltag mitbekoh und bald unsere letschte (usser bi däne, wo no witer in d’Schuel gön). Ihr händ gseh, wie mir gross worde sin und sehnd bald, wie mir erwachse wärde. Danke für alles!
Anja Dind, Konfirmandin